နားလည်ပေးပါ

ငါငုံထားတာ အဆိပ်ဆိုရင်
တစ်နေ့ မင်းအတွက် ဖြေဆေးဖြစ်ရမယ်

ငါလက်သပ်မွေးထားတာ ဒဏ်ရာဆိုရင်
နာကျင်ခံစားရတိုင်း မင်းကို တမ်းတဖို့ဖြစ်တယ်

ငါလူတွေနဲ့ခပ်ဝေးဝေးနေတယ်ဆိုလည်း
မင်းတစ်ယောက်ကိုပဲ ငါ့နှလုံးသားထဲ ထားဖို့ဖြစ်တယ်

အလွမ်းတွေကို ခဏခဏဖွင့်ကြည့်တယ်ဆိုရင်
မင်းပြန်လာတဲ့အချိန် ဆီးကြိုဖို့ဖြစ်မယ်

ငါခဏခဏ ဂျီကျနေပြီဆိုရင်တော့
ငါအရမ်းလွမ်းနေပီလို့ နားလည်ပေးပါနော်


2, October 2011
(ခရောင်းလမ်း)

ငါဘယ်မှာလဲ

မင်းရေးတဲ့ ကဗျာလေးတွေ လှပလွန်းတယ်
ဒါပေမယ့် ကဗျာလေးတွေထဲ ငါ့ရဲ့ဝိညာဉ်ရှာမတွေ့ဘူး

မင်းဆွဲတဲ့ ပန်းချီကားလေးလှတယ်
ဒါပေမယ့် ပန်ချီကားလေးမှာ ငါ့ရဲ့အငွေ့အသက်တွေမမြင်ဘူး

မင်းရေးတဲ့ ၀တ္တုတိုလေးတွေ ကောင်းတယ်
ဒါပေမယ့် ၀တ္တုတိုလေးတွေက ငါ့ဘ၀ကို ထင်ဟပ်မပြဘူး

မင်းရဲ့အပြုအမူတိုင်းက ဆွဲဆောင်မှုရှိတယ်
ဒါပေမယ့် အဲဒီအပြုအမူတွေက ငါ့ကိုနွေးထွေးမှုမပေးဘူး

မင်းပြောတဲ့ စကားလေးတွေ အရမ်းချိုသာတယ်
ဒါပေမယ့် ငါ့ကိုချစ်တယ်လို့ မပြောဘူး

2 October, 2011 (ခရောင်းလမ်း)

မော့ကြည့်

အံသေလက်နဲ့ ခရေတွေကောက်

အစွန်းတိုင်းမှာ ကြယ်စင်ကြွေကျ

ရုပ်လုံးမလှတဲ့ ရုပ်ထုတစ်ခု
သူ့ဟာသူ ရှိပါစေ။

ပျောက်ကွယ်သွားတဲ့ မိုးတိမ်ညိုလေး
ထွန်းလင်းပေးမဲ့ လမင်းစန္ဒာ
ညနေခင်းက ဆံပင်ဖားလား
သူ့ဟာသူ ရှိပါစေ။

မြောက်ဝင်ရိုးစွန်း တစ်ခုရှိတယ်
တောင်ဝင်ရိုးစွန်း တစ်ခုရှိတယ်
ဘာမြူဒါတြိဂံလည်းရှိတယ်
သူ့ဟာသူ ရှိပါစေ။

Dec 19, 2009

မောင်နီကို