မောင်ပျိုးခဲ့သော ခရေပင်လေး

တစ်ချိန်ကခေါင်လွန်းလှတဲ့ နွေတစ်နွေမှာ

ခရေပင်လေး မောင်ပျိုးခဲ့တယ်..

အပင်ငယ်ပေါက်လာချိန်တော့

မောင်ကိုယ်တိုင် မြေဆီကောင်းမှာ

ပြောင်းစိုက်တယ်လေ..

နုနယ်သေးတဲ့ ခရေပင်ပေါက်လေး

အန္တရာယ်ကင်းစွာ ရှင်သန်နိုင်ဖို့

တောရိုင်းတိရိစ္ဆာန်မ၀င်နိုင်ဖို့

မောင့်ဥယျာဉ်မှာ ခိုင်ခံ့စွာ စည်းရိုးကာတယ်..

ခရေပင်လေးကြီးထွားနိုင်ဖို့

ရေလောင်း၊ ပေါင်းသင်၊ မြေတောင်မြှောက်ခဲ့တယ်..

မောင်တယုတယပျိုးခဲ့တဲ့ ခရေပင်လေး

မောင့်မျက်စိအောက်မှာ

ခုန်ပေါက်မြူးတူးပြီး ကြီးထွားလာလိုက်တာ

ခရေတွေ ပွင့်ကုန်ရောလား

ပင်မြင့်စံချိန်၊ ပွင့်ဖူးဝေချိန်မှာ

မောင့်အခြွေကိုတမ်းတလေသည်..

မောင်....................

မောင်ဘယ်မှာလဲ.... မောင်......

ဟင်.......မောင်မရှိတော့ပါလား..

မောင်ပျောက်နေတော့

ခရေလေးတွေ ငိုကြွေးပါပြီ....

အို ... သူတို့မောင့်ကိုမျှော်ရင်းမြေခတော့သည်

အခက်တွေဝေလျက် အပွင့်တွေ ကြွေသည်

ခရေပင်လေးအရွယ်ရောက်မှ မောင်စွန့်ချေပြီ.

ဘယ်လိုပင်ရှိစေ၊ မောင်ပျိုးခဲ့သော ခရေပင်လေး

ရေမလောင်း၊ ပေါင်းမသင် အစောင့်အရှောက်ကင်းလည်း

အရွက်မြိုင်မြိုင်၊ အပွင့်လှိုင်လှိုင်၊ ရနံ့ကြိုင်စွာဖြင့်

မောင့်ဥယျာဉ်မှာ ဝေရင်း၊ ကြွေရင်း ရှင်သန်တတ်သည်။